2006年8月20日 星期日

露荀蝦卷 - 出左事

晏晝無所是事,攞住本o岩o岩買o既 An Apple a Week 攤左o係梳化度睇,雖然鄧生文采出眾,但抵不住我飯氣攻心,睇左兩篇之後已經睡意大發 ...

一訓醒,七點半 ... 已經聞到炒餸味!走入廚房,已經見到笨 B 爸爸已經卷好o既蝦卷 ... surprise  o的露荀未炒架!我諗 ... 出事咯 ...

果然,阿笨 B 爸爸煎完o既蝦卷,o的露荀係燶晒o既!<-- 因為我知佢一定用佢隻至愛生鐵鑊o黎煎,永遠都整到o的菜黑晒色!

shy  我最唔鍾意用生鐵鑊炒餸架勒!

雖然味道都算 ok 好味,但個賣相實在好唔得呀!o徙晒我一鋪心機去買材料!激死!

 

12 則留言:

  1. 都唔係好黑啫,幾靚吖 ,其實生鐵鑊用得多會好好用,聽老人家講,俾隻鑊「食」多啲油,耐咗就煎蛋煎魚都唔會黐,v姨以前都有隻,但有次搬屋漏咗,我哋仲未開車,v叔係都唔肯返上去攞,攪到v姨以後買咩鑊都唔滿意

    回覆刪除
  2. 個賣相幾靚呀 謝謝你的到訪 ~^^~ 有時間嚟傾吓計 !!!

    回覆刪除
  3. 笨B媽媽 唔緊要啦!個賣相唔差,個蝦卷都幾靚丫 原來有蝦滑賣 我自已買蝦仁不停咁又攪又拍仲要唔肯加肥肉攪到要用薄腐皮先卷得起

    回覆刪除
  4. 你下次唔好一次煎太多,分幾次慢慢煎,效果應該會靚少少! 你仲可以 cut開條露筍2段,唔駛太長果樣會靚仔d! 我上星期都整個煙肉卷, cut開露筍一半個樣唔會太長同埋難煎呀!

    回覆刪除
  5. 算啦!個樣都幾好睇丫~我相信一定係好好味!

    回覆刪除
  6. 都煎得幾靚呀~~ 睇到我流口水呀~~

    回覆刪除
  7. 我屋企都係用生鐵鑊...我真係唔識洗佢!!!! 煎完野肥淋淋...但一落洗潔精又洗埋好多黑色粒粒出黎... 洗極都洗唔哂.... 唔洗下次用又會有黑色點點在食物上.... 很麻煩呀

    回覆刪除
  8. 珍妮仔:我都有諗過架,不過我訓醒晏覺已經 ... 冇得我攪 lu 喵噢:我口裏雖然埋怨,但其實係好 appreciate 笨 B 爸爸成日煮定晒飯等我食 .. 嗚 ... 我唔o岩 ... 惠而浦:我知道用生鐵鑊其實有益o既 (因為可以增加鐵質吸收),但我鍾意o的菜清淡o的同埋青綠o的,所以我係唔鍾意用佢o黎炒餸架!

    回覆刪除
  9. 但係都個樣都好好味WOR

    回覆刪除
  10. 用生鐵鑊至夠鑊氣嘛,都唔係好差啫,味道得咪ok囉

    回覆刪除
  11. 山渣麥芽糖/ 太郎媽媽:其實只要唔駛我煮,我乜都 ok 架啦 ... 哈哈哈哈哈

    回覆刪除
  12. 我覺得睇落去都幾好味丫.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: