2006年8月23日 星期三

【中環】港式餐廳

【好味街飯推介:港式餐廳】

地址:中環德輔道中 84 -86 號

電話:2542-2288 (冇得 book 位,外賣電話o黎架)

呢間餐廳 (正確o黎講,係茶餐廳),我想推介好耐架啦!佢係我同笨 B 爸爸o既「訂情餐廳」* o黎架!

不過攞o黎呢度推介o既原因,當然係因為佢極之好味喇!

* 睇到呢句,大家眼前有冇即刻彈左「唔係下話」出來呀
哈哈哈
事實上,雖然唔 exactly 係,都幾乎係近磅咯 因為笨 B 爸爸冇正式約過餐「訂情晚餐」o (因為如此,我只好 assume 左兩次比較「感覺甜蜜」à but 行為唔甜蜜o既飯局當係訂情約會o)
 
另外
o個間有機會再講

不過我都想講少少故事內容 (冇辦法,上左年紀o既人係比較喜歡「話當年」) 先 ~

話說笨 B 爸爸係一個相當內歛o既人,所以未拍拖時,我經常都非常 R 頭到底佢係咪鍾意我

!所以我都攪左好耐先攪清楚!

我地一齊睇戲,係非常令人摸不著頭腦o既拍拖行為。首先,佢唔會預早約我行下街先,or book 定位之後順手推舟食埋飯;另外,我地睇完戲之後通常各自散 band,佢當然唔會送我返屋企 ,甚至唔會同我行去車站 shy ...

當時o既我,覺得長此下去,都唔係辦法 所以好積極咁「製造」左好多機會畀佢,包括提議睇一o的佢應該會鍾意睇,但我其實冇乜興趣o既戲。
 我記得
o
個日係約左佢放工去 IFC 睇「智能叛變」o既!睇完已經 10 點幾,正常o黎講,大家應該係各自散 band 返屋企。不過,我今次唔放過機會啦 我話不如o係附近搵o的野食啦

 

大家都知道,office hours o既中環,除左蘭桂坊之外,其餘部分都係一片死城oo既,十點幾,乜都閂晒檔啦!

 由
IFC 一路行返出去市中心,都係黑漆漆一片!難得畀我地搵到間燈光火著,兼且睇落幾具規模o既茶餐廳 (一般茶餐廳的話我係多數寧願唔食的) 喎!

 

當兩個人腼腼腆腆咁坐低,都唔知講乜好o既時候,就唯有努力咁研究餐牌喇 一睇之下,就發覺呢間原來係正野!連普通o既米線,都用上鯊魚翅骨湯底、鹿兒島豬軟骨咁o既特別材料,我地即刻有 talking points(that’s why 我話呢間茶餐廳 somehow 都係我地o既訂情餐廳,因為佢係個 catalyst) 鯊魚骨湯底配鹿兒島豬軟骨米線,咁特別,就叫o黎食下!

 

碗米線遞到眼前時,已經覺得好吸引 豐腴肥美o既豬軟骨,睇起o黎炆得非常夠火候,筋位油亮油亮地,從外觀已經可以 feel 到佢軟滑酥化o既程度 ~ 咬第一啖 ... 嘩 ... 唔知係咪心情影嚮,定係真係好味得咁交關,我地兩個,係即刻望住對方,雙眼發光,好似「叮!」左一聲咁

love

 

如是者,我地呢晚真係食得好開心,感情發展亦一日千里!而呢間餐廳,仲成為我地至愛餐廳之一添!

 

後記:

我地後來發現,原來港式餐廳係 under 翠華餐廳集團o既 ~ 由於九龍區冇港式餐廳 (查實係只此一家),我地之後都曾慕名去左翠華,雖然發覺都有我地至愛o個兩個菜式,但味道始終有o的分別,都係港式餐廳做得特別好食!

【上圖】對我地「意義深遠」o既鹿兒島豬軟骨米線 - 湯底用左鯊魚翅骨熬的,好鮮甜,飲完都唔會口渴,記住唔好o徙料啊 ~ ($25)

【上圖】後來才發掘的美味菜式 - 咖喱羊仔扒配油酥餅 ($52) 極好味兼抵食!好似係食神爭霸戰o既得獎菜式o黎架 ... 有三塊煎得好香o既鮮嫰羊扒,o的咖喱汁夠濃、夠香、夠辣,油酥餅又係即製o既,繼豬軟骨米線之後,又係另一款一試難忘o既菜式

【上圖】今日係同同事去食,所以影到其他菜式 - 呢個係馬來亞咖喱雞飯 ($40),同事話o的咖喱好香,舊雞仲非常大舊添

【上圖】另一個同事食沙爹牛筋腩米線 ($23) 睇起o黎個樣好似豬軟骨咁,應該都幾好味 ~

【上圖】拿拿拿...你地睇下佢招牌幾咁大,仲要有兩塊之多!唔怪得知o個晚離遠幾廿碼都見到呢間餐廳仲開緊檔啦!

【上圖】只係茶餐廳格局,不過都算整齊企理。lunch time 非常多人兼非常極之嘈吵,不過因為有兩層,等位唔算太耐,10分鐘 ok 啦!

7 則留言:

  1. 呢間野我都幾鐘意佢d 咖哩, 同埋麵食, 真係唔錯, 不過最鬼憎佢真係煙霧離漫囉...唉... 其實中環2間港式同翠華係最好食架啦, 其他都係麻麻, 唔知點解. (可能都係心理作用)

    回覆刪除
  2. Babyblue:係呀 ... 幾煙霧灕漫架 ... 樓下o個層好似好o的,不過講野要大聲到好似鬧交咁先得 中環唔係冇好野食,不過真係勁勁勁逼人!呀!我發掘左一間食咖喱幾好味o既!不過上次係第一次去,冇影相,下次再特登去多次影相先!

    回覆刪除
  3. 有次過中環我都想入去食下嘢,最衰係趕時間 ,下次一定入去,但係死啦,米線同咖喱我都好鍾意喎,點揀呢

    回覆刪除
  4. 我日日返工都經過這間餐廳~~~ 原來係咁好味? 我一定要試下!!!! 笨b媽媽個故仔好"時域"呀!!!!!!

    回覆刪除
  5. v 姨:兩樣都勁好味,所以我如果同笨 B 爸爸一齊去,就可以每樣 share 一半;如果去食 lunch,就只可以二揀一啦 ... 惠而浦:"士域" ... 就只因為當時大家都係估估下,先至 "士域" o者 ... 環境氣氛就真係唔 "士域" 咯 ~

    回覆刪除
  6. 我好鐘意食茶餐廳,不過可惜太遠喇,無乜機會試添...

    回覆刪除
  7. 這間係我地飯堂之一,最好食的係海南雞飯同墨魚丸米線,其實即刻翠華茶餐廳姐妹店,總有一間係你附近的!不一定要去中環的!你地去翠華食都一樣!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: