2006年8月19日 星期六

初揭示!屋仔外觀

我以為我畫公仔差o者,原來仲有人差過我 ...    頭先因為要 scan 圖,所以嗟使左笨 B 爸爸去畫幅屋仔外觀圖,點知 ... 簡直係醜化晒間屋企o係我心目中o既形象呀!   忍唔住要打駡左佢一輪   <--連環家庭暴力

 

講番正題,間屋仔o既地下連花園係業主自己住返o既,我地就會住二、三樓連天台 ... 我地諗住整間環保村屋出來,所以大家係會見到笨 B 爸爸畫左o係天棚o既太陽能燈同埋太陽能發熱板o既!如果個 system work 得好的話,我地會向各位街坊推介推介架啦!

18 則留言:

  1. 太陽能, 好犀利呀

    回覆刪除
  2. 這位屋主很環保呀!

    回覆刪除
  3. 唔淨止為環保咁偉大,查實環保得o黎仲會慳錢架嘛

    回覆刪除
  4. 唔淨止為環保咁偉大,查實長遠o黎講仲會慳到錢架

    回覆刪除
  5. 天台會唔會種吓花咁呢?

    回覆刪除
  6. 郎媽:會呀!除左花之外,我仲一路有個心願,就係整番個香草小花園,種滿晒o的常用香草同食用小植物 (e.g. basil、rosemary、oregano、辣椒、葱等等) 煮餸時可以隨手摘o的o黎用,感覺好幸福架

    回覆刪除
  7. 我好鍾意你啲太陽能設備呀 ,我都有計劃種香草吖,種籽都買咗幾款,但係成日都唔記得買泥

    回覆刪除
  8. v 姨:好,等我到時試用完套太陽能,再報告一下好唔好用、慳到幾多電費等等你知呀下 ~ 你快o的種o的香草出o黎丫 ~ 我覺得好正架 ~

    回覆刪除
  9. 嘩~~嘩~~嘩~~~ 有太陽能,又可以種o野~~ 好正呀~~~ 羨慕死人啦~~~~ 我有個阿姨都o係屋頂種瓜種菜呀~~ 包冇農藥, 超健康呀~~

    回覆刪除
  10. 不過笨B爸爸就慘D~~ 做左野仲要比人打~~

    回覆刪除
  11. 喵噢:留意,仲要係「連環家庭暴力事件」 不過我都成日連環咀咀返佢架啦!打和! 我都好想快o的搬入去,到時我就可以o係度又開多個 topic,show 下我o的蕃茄 BB 呀、辣椒 BB 呀o既生長過程 (同埋畀我食落肚o既過程) 呵呵

    回覆刪除
  12. 我以前都有種過薄荷枼,蕃茄仔,苦瓜仔,但係都「香」鬼晒

    回覆刪除
  13. 點解住兩層咁多呀? 拾屋有排拾囉! 二層連天台拾一日都拾唔晒呀! 大伯公慘囉!

    回覆刪除
  14. v 姨:嘻嘻,我都係盆栽殺手,有o的擔心呀 小 Blue 媽:我有諗過架!不過交晒畀大伯公做咪得囉!減肥良機呀 (爆笑)! 查實係因為o個個地盤係細o的 (650尺),如果住一層,我又諗第時加埋笨 B & 笨 C 會唔會好逼呢 ... 同埋住得入郊區,梗係想住闊o的 ... 而且呢度好抵住,雖然交通方便左咁多,但價錢依然落後大市,所以咪買得起兩層囉 遲o的見面再同你講

    回覆刪除
  15. 辣椒<--都仲容易種, 其他好難, 香港咁既天氣, 冬天都仲好d, 一到夏天, 仲要係元朗區就...............死梗.

    回覆刪除
  16. 大哥................................我都有玩SOLAR SYSTEM,但我失敗了,下月拜山和你詳談.

    回覆刪除
  17. 我過路的... 睇到你的屋設計... 太陽能好正,如果我都住三樓連天台就一定會安.開頭睇落係貴,但長時間就唔係咁計,而且環保,心安理得. 你只用太陽能熱水器嗎?可以加多個太陽能電池和風力發電機, 就可以風光互補... 給全屋用.
    給你一個讚!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: