【日期：2006年7 月9日】
呢期要追返o的過去左o既 project diary，晚晚都要勤力過「少年筆耕」個少年！
話咁快，又 8 月勒 ~ 繼 project confirmation 之後，我地就同發展商開會傾內籠設計。呢個亦係我開呢個 blog 的原因：因為我想用文字同埋相片記低我同笨 B 爸爸「起」呢間 dream house 的過程，等將來笨 B、笨 C 大個左之後*，可以睇番自己屋企係點o黎o既 ~ 嘻嘻！
* 笨 B 同笨 C 係我地「將來」o既細路，我諗住會生一男一女架！唔響應特首 lu，除非佢幫我養喇！
另外一個原因，係因為我見識少，做開石屎森林人，睇親o既都係起好o既屋，從未諗過間屋係可以自己有份參與起o既！咁難得o既機會，我都想將當中o既一點一滴記錄低，等我同笨 B 爸爸老左之後可以回味一下！諗得好鬼長遠架！哈哈哈！
【上圖】可能我想像力太差，我覺得個地盤好似好細咁 (註：前半部是花園佔地)，望o黎望去都唔似有 650 尺咁大 ...
咦...呢篇冇人回喎....哈, 終於有一篇我做no.1喇. kakakaka
回覆刪除哈哈.我第二 ;) 我都想住村屋啊.. 好似free好多!
回覆刪除