2006年8月11日 星期五

正宗福建蠔仔煎

【主題】正宗福建蠔仔煎 (附食譜)

【難度】

【銀兩】約 15 大洋

【預備時間】30 分鐘

【烹調時間】15 分鐘

註:呢篇係舊文重 po,所以o的 tone 係特別唔同的

  話時話,碟餸係我阿爸煮的,我只是黐餐 ~

正宗福建蠔仔煎

一提起台灣美食,「蚵嗲」

(蠔餅的台灣話) 必定排行甚高。那種蠔餅用雞蛋糊裹著蠔仔煎,外層酥脆,但蠔仔份量較少,喜歡吃蠔的「蠔怪」們可能會嫌味道不夠濃。反而出自爸爸鑊鏟下的福建版本就惹味非常,大蒜和蠔仔的絕佳搭配,加上馬蹄粉的香Q 口感,令每一個吃過的人都一試難忘,公認比台灣版更好味。

可能因為成本較貴,煎的時間又長,市面上一般賣蠔餅的店子都沒有這一款賣。所以來我家吃過的朋友,經常都會找機會回來「翻吃」的呢!

材料(3塊份量)

蠔仔半斤

大蒜2

馬蹄粉(或蕃薯粉) 4

雞精粉(或其他調味品) 適量

豉油1 湯匙

 

作法

(1) 蠔仔買回來後要小心清洗,去除殘餘的蠔殼。用筲箕瀝乾多餘水份

(2) 準備要煎的五分鐘前在蠔仔裏加入雞精粉及豉油,撈勻備用

(3) 醃五分鐘後,把馬蹄粉逐少加入,一邊攪拌,直至形成濃稠狀的麵糊

(4) 將大蒜切碎,加入麵糊中

(5) 在鍋裏放足量的油,用大匙將麵糊舀進鍋裏煎成蠔餅

 

後記

(1) 蠔仔一定要買新鮮的,聞起來要有香腥的味道

(2) 大蒜是必備之物,用葱的效果可說是差天共地矣

(3) 在家鄉的做法是用蕃薯粉,爸爸是有一次家中的存貨用完,改用了馬蹄

粉,發現更加香Q 可口,況且馬蹄粉有清熱解毒的功效,所以繼續沿用

(4) 蠔仔不要醃太久,因為會出水。下鍋之前五分鐘才好下調味料。

(5) 蠔仔雖然嗅起來香氣十足,但其實本身沒有太多味道,所以要靠調味料補足。我爸爸喜歡用雞精粉,大家亦可用自己喜歡的調味品調較

17 則留言:

  1. 係呀,如果唔係福建人,好多都未食過呢種煮法。但食過一次之後,就必定會念念不忘!

    回覆刪除
  2. 係咪同潮州嘅唔同,唔使用鴨蛋o架?

    回覆刪除
  3. 我食過潮州o個隻,係好唔到架!潮州o個隻用鴨蛋 (好似都有麵糊) 用大鍋油炸完後有o的類似雀巢感覺的酥脆外層,蠔仔用量較少;而福建呢隻係煎o既,用大量蠔仔+大量蒜仔,鋪滿晒咁滯,食落個口感係QQ 煙靱的,係人食過都返尋味

    回覆刪除
  4. 我食過潮州o個隻,係好唔同架!潮州o個隻用鴨蛋 (好似都有麵糊) 用大鍋油炸完後有o的類似雀巢感覺的酥脆外層,蠔仔用量較少;而福建呢隻係煎o既,用大量蠔仔+大量蒜仔,鋪滿晒咁滯,食落個口感係QQ 煙靱的,係人食過都返尋味 我覺得兩者各有風味,但因為我勁鍾意食蠔仔o既關係,我覺得福建版係好味好多的 ~ (潮州版應該落唔得太多蠔仔,因為蠔仔好容易出水,就算炸得成都可能好難 keep 到佢脆 ... 我係咁諗 )

    回覆刪除
  5. 嘩~ 笨 B 媽媽 ,你煮飯一定好好好好好好棒!

    回覆刪除
  6. 姿姿,你過獎勒!查實我只係普通級,食得落肚咁喇!我又比較實用主義,所以o的餸多數個樣唔靚,好多都冇特登影相

    回覆刪除
  7. 姿姿:我有個白痴問題 ... 你打回應時點樣將我個名整到 link 落個 URL 架?

    回覆刪除
  8. 哦~我懶得瀉唔想打字咪按複製&貼上囉~點知就變左咁喇~

    回覆刪除
  9. 笨B媽,我今日整咗呢個呀,但係唔知係咪唔夠濕,仲有好多大蒜黏唔到,跌哂出嚟冇咁靚樣 ,但係好好味 ,v叔都話正

    回覆刪除
  10. v 仔姨姨:唔係丫,睇起o黎都好正喎!我諗你冇落咁多油煎,所以o的蒜容易甩?(我見我阿爸落左好多油,你油光滿面咁就知 XDDD

    回覆刪除
  11. 咁講又可能係,v姨家陣用油真係忍手咗好多,一支一公升油可以用半年至7個月,係咪好慳呢

    回覆刪除
  12. v 仔姨姨:唔係慳,係為左食得健康o的o者 不過有時有o的餸,真係要「油淋淋」先至好味,所以寧願 "eat less, but eat the more tastefulway" 哈哈哈哈哈 ... 不過我相信用少油煎o既味道都 ok o既 ~ 因為新鮮蠔仔加蒜仔已經係絕妙o既配搭 ~

    回覆刪除
  13. http://hk.myblog.yahoo.com/jw!3Yt_dvGeHx6GAQu_t63O/profile 你係唔係好少煮飯, 所以d油至用得慢ja~~~

    回覆刪除
  14. 喵噢:v姨年紀越嚟越大....... ,油同調味要謹慎啲喇,可以唔用都唔會加o架喇.........

    回覆刪除
  15. v 仔姨姨:咁你真係要試下個嘉美雞粥,因為唔駛調味、唔駛落油架!

    回覆刪除
  16. 很久沒有吃蠔仔煎了 你的蠔仔煎 跟我媽媽煮的一樣呢 好懷念阿 我很喜歡吃的阿

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: