2006年8月31日 星期四

沙嗲王 Part 1 (已加解說)

【好味街飯推介:沙嗲王】

地址:有分店 7 間,請參閱「沙嗲王 Part 2」一文內的餐檯紙 (費時打到手軟 ... 哈哈哈 )

沙嗲王係其中一間令我同笨 B 爸爸難忘o既餐廳 ~ 最主要o既原因,梗係因為佢好味喇!另一個原因,就係因為o係大家未開始拍拖,理應o係對方面前保持最佳形象o既時候

,笨
B 爸爸竟然帶我去呢度食辣野!於是我就發現,原來笨 B 爸爸一食辣野,不單止會汗流滿面,仲會口水鼻涕一齊流添  
好核突呀!哈哈哈哈哈!

唔係笨 B 爸爸推介,我都唔知沙嗲王o的野咁好味,尤其是佢o的麻辣米線! 

o係香港,好難搵到真係夠麻 and 夠辣o既麻辣米線架 (超過 90% 的所謂麻辣火鍋、麻辣米線、麻辣 XXX,都係唔麻o既!有o的衰到連辣都唔辣添呀!) 因為我o既食辣級數比笨 B 爸爸高強,所以我通常係食大辣,而佢係食中辣的 ~ 除左麻辣米線係我地每次必叫之外,我地仲發現原來佢其他野都好好味架!從裝修到價錢,真係估唔到呢間餐廳原來咁好質素,真係要推介推介 ~


【上圖】每次必叫o既麻辣海鮮米線,真係見到有花椒粒架 --> 麻的來源!($39)

【上圖】極之要推介o既白咖喱豬扒飯,好香好好味,一碟飯簡直係唔夠送呀!($29.50)

【上圖】鹽燒多春魚 (好似正價 $19.50 有六條)

【上圖】綠茶雪糕紅豆冰 ($22,散叫食物的話可以半價)

【上圖】越南豬肉粉卷 ($19.50)

【上圖】布甸 ($12) 餐紙冇寫係乜野布甸,但我食到少少芒果味 ~ 唔係太特別的甜品,但 ok 好味架

【上圖】每張檯面有個按鐘機,唔駛頭岳岳搵 waiter,便利!


沙嗲王 Part 2

上文提要:我同笨 B 爸爸查實都幾長情,食開邊款野食好味,就次次都叫番同一款 ~ 人家仲有好多好野食架嘛 ... 本住有好野要唱通街o既忠旨,我今次仲「撻」埋張墊檯紙番來 scan 畀大家睇!

張紙好大張,我斬開左三碌o黎 scan,大家可以 click 每張圖下面o既 link 放大o黎睇 ~ (again,如果你個 browser 自動 resize 左張圖去 fit to screen 的話,你只要用 mouse 指住張圖,待右下角出現一個放大 icon,然後 click o個個 icon 就得架啦!)


按此放大圖 1




按此放大圖 2




按此放大圖 3

2006年8月30日 星期三

卑鄙 ... 冰皮月餅 (有相 & 肥媽教整冰皮月餅 video link)

今日咁o岩找到一個肥媽教整冰皮o既節目,大家睇完應該會更加清楚o的步驟係點 ~

http://icook.i-cable.com /recipe/asx/20040919a-m -icemooncake.asx


【上圖】查實o的月餅係有 keroppi 圖案的 ... 不過因為影呢張相時已經有少少回軟,所以o的花紋都唔明顯 lu ~

上文提要:三年前o既我學識左整月餅之後,極為三分鐘熱度咁猛咁整月餅,卒之連木櫈都敲爛左一張!   其實,o個時我邊止整 100 個月餅 ... 仲有冰皮 (卑鄙) 月餅未計哩!

冰皮月餅基本製作 (包餡同埋造型) 技巧同廣式月餅差唔多,多左o既係搓冰皮同埋製作餡料o既步驟。搓冰皮有o的似整糯米糍,因為相當黏手o既關係,都有少少難攪架。至於餡料,可以買現成o既 (都幾好味架,不過甜少少) 或者自己整! 

【難度】

【銀兩】可以用番同一個木模 ... 其他材料反而平過廣式月餅 (除非你買現成o既餡料喇)

【準備時間】用現成餡的話,只須準備冰皮 (準備材料 10分鐘 + 蒸 30 分鐘 + 攤凍 10 分鐘)

【製作時間】搓冰皮 30 分鐘,製作月餅  - 包餡、敲月餅等 40 分鐘 (12 個) 

 

冰皮食譜 (可做12 個迷你冰皮月餅)

1. 將麵粉(10克)+糯米粉(20克)+粘米粉(20克)過篩

2.加入糖(20克)+牛奶(90)+煉奶(2湯匙)+生油(6 茶匙)混合攪至滑糊狀

3. 以大火加上錫箔紙蒸30分鐘, 取出放十分鐘待凍, 再搓約三十分鐘成軟滑變白之粉糰、.放入雪櫃, 待次天才用.

4. 將粉糰分成12份,按薄, 包入各式饀料(豆沙、綠豆茸、奶皇等), 放入已灑糕粉*之餅模中按平,

將模向左右邊一敲, 再向中央一敲, 即將餅敲落手中, OK啦!

*糕粉即是熟糯米粉,只須用碟裝住o的糯米粉,跟住蒸 5 分鐘就 OK 啦

硬奶皇(可做25-30個迷你冰皮月餅)

材料: 1. 牛油113g 2. 粟粉57g 3. 麵粉57g 4. 吉士粉76g 5. 113g 6. 雞蛋67. 煉奶1/4+ 清水

450ml ( 攪勻) 8. 牛油38g

做法: (2)-(5)撈勻, 加入(6), 一隻一隻地加。再加入蒸溶的(1), 最後加入(7), 蒸二十分鐘左右,

十分鐘要攪奶糊一次。蒸熟後搓滑, 放在冰箱一晚, 用時加入(8)再搓滑~

 

綠豆蓉(可做25-30個迷你冰皮月餅)

材料: 1. 開邊綠豆320(半斤) 2. 2403. 1/2(4安士)

做法:

1.開邊綠豆洗淨後用水浸6小時

2.浸完後,用碟盛載著隔水蒸30分鐘至淋

3.蒸完後用"薯蓉夾"壓成蓉( 即好似整薯蓉0)

4.放油入易潔鑊中,再倒入"3",加入糖一起煮至杰身便成(一邊煮一邊攪勻,好似炒野0, 直至油糖與豆蓉混合便可)

 

2006年8月29日 星期二

三年前的月餅

想當年o岩o岩開始蒲網上食譜區時,非常地三分鐘熱度,真係乜都試勻晒,包括月餅在內!摷左o的舊相 & 食譜出來,同大家分享一下喇 ~ 預祝中秋快樂!

【難度】

【銀兩】模具 ~ 50大洋,材料 ~ 40 大洋 for 12 個迷你月餅

【準備時間】30-40 分鐘

【烤焙時間】15-16 分鐘

【上圖】模具買返來之後要進行「入油」過程,用紙巾或綿花索滿花生油,放o係模內畀佢盡吸,吸完又再加油,大概兩至三日就攪掂架啦。呢個過程,每年都要重覆架 ~

【上圖】o岩o岩焗起o既迷你月餅,因為技術麻麻,所以o的花紋唔係太靚 ~ 至於顏色方面,待一至兩日「回油」(餅內的蓮蓉滲出油份) 後,餅皮就會深色o的 & 閃出油光架啦


【上圖】第一年整,真係三分鐘熱度,仲同朋友仔一日之內連續勞動七個鐘,整左 100 個月餅出來!

【上圖】包好一個一個送畀人 ~

【上圖】呢o的「禮盒裝」,梗係攞o黎送畀好朋友o既喇!(o個時未識笨 B 爸爸,我係講緊女性朋友啦)

(3年前寫的文章喲~)

摩摩夫人很喜歡吃月餅,覺得混在甜膩蓮蓉餡中的滲油蛋黃特別可口,一甜一鹹地配搭得恰到好處。這就是中國人的飲食藝術吧,永遠不會一味的甜或一味的鹹,素材與調味之間總能相輔相承,將美味提升。

  

我有一個特性,吃到美味的食物總想知道是怎麼作的。所以今年特地到「怪師傅」處學做月餅。出乎意料之外,原來做月餅沒有想像中的難,只是張羅材料比較麻煩而已。當然,還得細心靈巧地用月餅模敲出美麗的形狀。

一個迷你月餅的成本只是三兩元而已,但捏入月餅裏的心意可是無價的喲。

 

模具:迷你月餅模一個 <2吋直徑、1吋半高>

準備功夫:木造的月餅模買回來不可以立刻使用,必須進行「入油」過程。將綿花浸滿花生油放在模中讓它吸飽,綿花乾涸時可以再加油。大約二至三天,木色變深即可。

 

<餅皮材料 迷你月餅 12 個份>

麵粉 160

轉化糖漿 (或金獅糖膠) 120

花生油 50

鹼水 1 茶匙

 

<餡料 – 12 個份>

蓮蓉 1

花生油 30

鹹蛋黃 6

 

<上色用>

雞蛋黃 1 個,混合 1 湯匙清水打勻

 

<做法>

(1)    在大碗中混合糖膠、花生油及鹼水。倒入麵粉,搓成光滑麵糰 (但不可過度揉搓)

(2)    在另一大碗裏放入蓮蓉,倒入花生油,用手稍壓蓮蓉讓它吸入油份成為光滑柔靱狀

(3)    鹹蛋買回來後洗好,除去蛋白,切半備用

(4)    將蓮蓉分為 12 等份。挖一個窩將半隻鹹蛋黃放入,捏好成球狀 (留意蓮蓉不可沾上麵粉,否則焗好後會引致「離皮」狀態)

(5)    將麵糰分成 12 等份,在枱上撒上少許麵粉 (份量外),將一份麵糰壓成薄片 (像雲吞皮)。將蓮蓉放入再捏好。

(6)    在模具裏撲上少許麵粉,同時把 (5) 之麵糰在枱上滾動,沾上少許麵粉,再放入模內壓實。如果麵糰太多,可以用手掐走過量部分,露出了餡料也沒有關係。

(7)    預熱焗爐至 180-200 (我的焗爐小,用180度已足夠)。從模中敲出月餅,放在墊有牛油紙的焗盤上。在月餅面噴上少許清水,入爐焗約 4 分鐘至表面花紋固化。掃上蛋液,再焗約 10-12 分鐘至均勻上色即可。

(8)    放涼後便可以用喜愛的包裝紙裝飾。留意的是,剛焗起的月餅是略為淡色的和很少光澤,必須等一至二天,蓮蓉裏的油份滲出來,顏色才會轉深,而餅皮亦會變得更香更美味。

 

 

心得:

(1)    皮料還是即製的好。如果想預先搓好餡料也可以,但不要包上餅皮。因為餡料會滲油 (此為「回油」也),令未焗的餅皮軟化和潮濕,容易黏著模具,不易敲出美麗的形狀。

(2)    如果覺得餅皮太軟了,可以放進雪櫃裏讓它冷凍一下,稍為變硬再敲模。但是從雪櫃拿出來後不能久放,因為很快又會潮濕。

(3)    如果模具深度許可的話,做全蛋黃比半蛋黃更好。因為切開了的蛋黃油份很快會漏了出來,吃的時候就沒有油了呀。如果是朋友分來吃,寧願再做一些純蓮蓉啊。

(4)    用來上色的蛋液如加入少許蜜糖,顏色會更美麗。份量大概是一只蛋黃加一茶匙蜜糖再加一湯匙水。混合好就可以用油掃輕手掃在月餅面。

(5)    如果在剛出爐的月餅上立刻再漏薄薄一層蛋液,色澤會更加美觀呢。

(6)    如果要包裝送禮的話,記著待完全冷卻才好包啊 (我們上次用風扇吹了很久,月餅的底部還是暖暖的。如果勉強包裝會潮濕啊)

(7)    剛焗好的月餅皮是脆脆的,別有風味。但過了一兩天後會開始「回油」,即是餡料的油份滲入餅皮內,餅皮會變軟和香味濃郁。

用剩了很多鹹蛋白,可以用來滾湯 (如芥菜湯、紫菜湯之類) 不用浪費。千萬不要蒸來吃,鹹到變星星眼啊 *-*



 

2006年8月28日 星期一

識得疲勞探測o既 Sanyo 智能按摩椅

【發現時間】第一次:2006年2月   第二次:8月

【發現地點】第一次:新元中    第二次:潮流家居展

【價錢】$32,xxx

【笨 B 爸媽評語】

由於混吉二人組非常喜歡按摩,所以市面擺得出o黎o既按摩椅呀、按腳機呀幾乎畀我地試晒!簡直係講得出所有牌子o既優劣之處...如果有公司想搵 mystery shopper,無任歡迎 !價錢相宜!哈哈哈哈哈

~

之前介紹過 OTO o既按摩椅,非常抵用,完全係 value for money (經常都做半價 $12,xxx) 按摩質素相當唔錯。不過,以咁o既價錢,張椅當然係祖國佳作喇。

假若大家銀根充足,不妨考慮呢一款 Sanyo 按摩椅 - 第一次聽到呢個 product 時,我諗大家都會好似我咁「吓」左一聲:乜 Sanyo 做按摩椅架咩?!我比較受電視毒害,成日以為賣得最多廣告o個款最正添!經混吉二人組周圍八過之後,竟然發現唔係喎 (電視果然係一種理智上o既荼毒呀下 ~)

sales 話呢張椅係全日本製造,包括內內外外所有組件云云。此外,仲有三年保用。不過,呢o的都係小事,最緊要係按得正唔正丫嘛!

混吉二人組輪流試用完之後,一致認為,假若有三皮幾 budget 的話,買呢部好過買 OSIM or Panasonic or Momi Momi 多多聲!因為:

- 肩膀部位同埋頸位好正,摸擬人手揉掐o既效果好出色。夠準、夠狠、夠仔細 (見圖 2 & 3)

- 唯一一部有疲勞深測器o既按摩椅:正如笨 B 爸爸o係

家居展 o既混吉示範,佢坐緊按摩椅時係要揸住一舊「疲勞探測器」o既!呢舊物體,會一路 detect 住你o既脈膊同埋汗腺分泌,o黎感應你邊o的位特別倦,從而 adjust 番o個部份o既按摩時間架!親身試過,幾 work 架喎(圖 4)

- 腳底曉發熱架!我呢o的手凍腳凍o既人最o岩

good!此外,佢o既腳底氣囊都掐得好痛下 ~ (圖 5)

- 唯一唔好就係價錢貴左o的同埋外型平實o的囉!得一款同一隻色!
 (圖 6)

*** 為方便大家睇 catalogue,我 load 左o的大圖架。只要 click 下每張圖下面條 link,就可以開到o黎睇架啦 (如果你個 explorer 自動將張圖 resize 左營幕大小,你只要用 mouse 指住張圖,右下角就會出現一個「放大」o既圖案,你按下佢就可以放大張圖架啦!)

【圖 1】

按此放大 - Sanyo massage chair (1)

【圖 2】

按此放大 - Sanyo massage chair (2)

【圖 3】

按此放大 - Sanyo massage chair (3)


【圖 4 】

按此放大 - Sanyo massage chair (4)



【圖 5】
按此放大 - Sanyo massage chair (5)

【圖 6】

按此放大 - Sanyo massage chair (6)

2006年8月27日 星期日

簡單午餐 - 冬蔭功紮肉米線

【難度】

【銀兩】約 20 大洋

【準備時間】N/A 因為 multi-tasking

【烹調時間】12 分鐘

我同笨 B 爸爸係喜歡通街搵好野食,不過都係傾向自己唔識整、又或者o係屋企整會比較麻煩的菜式 (例如炸野或者要炆好耐o既野),所以食街飯時我係會挑剔o的架!仲會盡量揀唔重覆o既餐廳添!我地會翻吃的餐廳,係真係覺得好好味o個o的 ~ 即是o係「好味街飯」度推介o個o的是也!

其餘時候,我地都會盡量自己煮。除左費時落街之外,我地覺得街賣幾廿蚊一碗的粉麵,查實都畀唔到o的乜野好料你 (當然,又係除左我地推介o個o的喇),用出街食麵o個o的錢,o係街市可以買到好好味o既材料架啦 ... 反正煮碗麵都係十零分鐘o既事,倒不如自己o黎勒!

以下呢個米線,係我地 weekend quick lunch 至愛菜式之一,真係十零分鐘攪掂架啦cool!因為好多野都係現成材料嘛!

冬蔭功紮肉米線 (附食譜)

材料:

- 江西米線 (要過冷河的,嫌麻煩可以用普通米粉 or 麵) 2 紮

- 新鮮蔬菜隨意

- 好味紮肉 (之前用過凍貨舖同超市o既都唔掂,唔新鮮唔夠味 ... 後來我地發掘左有o的魚蛋舖係有新鮮炸起o既紮肉賣的,好正!一條 $9 之嘛,足夠整兩大碗麵!) 1 條

- 冬蔭功湯底 (話明 quick lunch,梗係唔會自己整湯底喇 ... 志左攞個味道,唔好當湯飲咯 ~ 咁泰式食品店o既冬蔭功湯包係屋企儲糧必備之選!) 1-2包,視乎你買o個包有幾大喇!如果唔喜歡呢個湯底,可以搵史雲生雞湯

做法 (為表示有幾快 ,又係以時間代表!)

0:00 煲一大鍋水 (for 烚菜 & 米線) + 一小鍋水 (for 湯底)。趁未水滾,去洗菜同埋切紮肉喇!

0:05 大鍋水滾,放少許油 & 鹽,先烚菜 2-3 分鐘撈起。放米線入去煮 5-6 分鐘。小鍋又水滾,o個度放冬蔭功湯包,好快又滾起,查實可以熄火抖抖。

0:10 米線煮好,過冷河,連紮肉倒入小鍋煮到翻滾。

0:12 攪掂!食得!

後記:

- 都話左好快架喇 ... 不過要有少少 multi-tasking,慣左就 ok 架勒!

- 紮肉因為係炸o既,有少少肥膩,如果係我,我會切好之後搵熱水浸咁o的油去

- 因為以上原因,紮肉係咁依滾下都 ok 架勒

【上圖】哈哈哈 ... 因為掛住巡 blog,o的米線有少少過籠,發到成條豬腸咁 ~ 不過好好味架!

【上圖】呢間「魚蛋檔」個名好潮!呢間o的丸同紮肉都幾好味,值得推介

【上圖】呢度o的產品係新鮮炸的,有時仲會暖暖地!紮肉就係中間o個o的細條o的o既物體

 



 

2006年8月26日 星期六

報導 - 家居展 & 婚紗展

新聞報導 - 混吉二人組今日已經去左家居展 & 婚紗展勒!查實,我地係一心諗住去行家居展o既,不過原來一張飛 ($20) 可以入晒兩個場館,所以就去埋婚紗展勒!

家居展混吉後感 - 冇乜特別野睇,唔特別o既野又唔多,所以都好無聊下 ... 建議大家可以慳返啖氣,留返行十月o個個家居博覽勒!

婚紗展混吉後感 - 都幾多準新人去架!我地排隊買飛都排左半個鐘!場內係好多著數,例如買餅咭七折、影相 package 等,不過我地都冇心裝載,所以走馬看花 ~ 呢個係 functional o既 event,對於 plan 緊結婚o既朋友們係好 practical o既!--> 雖則我地都係 ... 我估我地太另類啦 ... 做唔到我地生意添!哈哈哈

一場去到,係咁依都影左少少相畀大家八下:

【家居展】有一檔賣貓貓擺設的,不貴,幾廿蚊至百零蚊一件,喜歡貓貓o既朋友o岩晒

【家居展】哈哈哈 ... 外太空減肥機呀

【家居展】o的水樽好攪笑 ,但原來唔係蒸餾水喎!查實佢係一部濾水器,係入o的水喉水入去用o既 ~

【家居展】全場唯一吸引到我地興趣o既係按摩椅,但得一檔 Sanyo ... 不過佢地張椅好掂 (夠力、夠準、有疲倦程度探測器、腳底曉發熱),笨 B 爸爸坐得好高興!張椅要 $32,xxx

【上圖】呢舊物體就係疲倦探測器,一邊按摩一邊揸住,佢可以根據你o既脈膊同埋汗腺分泌,測定你身體每一部分o既疲倦程度,從而調整按摩時間 good

【上圖】panel 上面 show o個個公仔,紅圈部分代表特別倦 ... 我試o既時候只係著左腰同埋腳,但笨 B 爸爸竟然 全身都著 ... 有冇咁攰呀 ...


【婚紗展】唯一的一張相 ... 馬會搵左兩隻馬仔o黎同o的現場觀眾 (包括混吉二人組) 影相 !大家睇下隻馬仔個樣幾咁無奈

Linkwithin

你可能對以下文章有興趣: