2006年7月31日 星期一

幾乎買得成的村屋 (1)

【回憶‧2005年8月】

經過頭一個月的慘烈戰績以後,我幾乎拒絕再睇村屋盤!因為我以為村屋 = 爛屋,村屋 = 蚊竇,村屋 = 冇雷公!

以為搵大公司睇樓就實冇蝕底,點知,原來睇村屋係要搵「土炮」的!本住畀多一兩次機會笨 B 爸爸的想法,8月時我地開始跟「睇樓王」介紹的村屋經紀睇樓。一跟之下,發現村屋世界多麼美好 ~ 要幾新有幾新,要幾靚有幾靚!當然,我地o既銀兩有限,house 就暫時未輪得到,田原 feel 的漂亮小屋還可以的。

呢間就係我地幾乎買得成的靚靚村屋,不過,拉鋸了個幾月以後,卒之係因為唔到價 (嘻...我地唔到業主意向價) 所以買唔成。當時都好失望下,所以都 keep 左張相留念留念...

【上圖】黃色外牆襯白色窗框,幾咁可愛呀 ...

【上圖】就係呢個客廳 look,令城市人笨 B 媽媽開始愛上村屋 ...

【上圖】嘩 ... my dream rooftop ...

8 則留言:

  1. 嘩~~ 呢間屋睇落真係好正喎~~~~ 咁你地而家買左邊度ge村屋呀?? 幾$呀~? 點解要"起"過呀?? 你係指裝修呀??? 我&我男友本來係想睇村屋先ga~ 因為村屋會大D又平D, 但係由於佢太忙, 所以講左好耐都冇去睇過......=_=" 不過上星期我地終於都第一次去睇樓啦~~ 雖然唔係村屋, 不過起碼係好ge開始ar~~ 我地來緊呢個禮拜應該會去荃灣睇樓, 我地而家係大包圍咁睇, 即係咩都睇~ 新又睇~ 舊又睇~ 樓又睇~ 村屋又睇~~~ 當係學下野先lor~~ 你有冇d tips 可以指教下呢~? thanks a lot~~~

    回覆刪除
  2. 喵噢:我地卒之o係元朗買 (exact 地點唔講啦 ...保持少少私穩) 其實大埔都睇左好多,但多數都去到大尾篤咁滯,要駁多程 20 分鐘小巴先出到火車站,再出市區就實在 ... ... 元朗幾好架,搵西鐵都幾快! 至於點解要「起」,就係我呢度o既故事內容啦 ~ 事緣現樓o既村屋多數都幾貴下,兼且我同男友又八八卦卦咁希望風水夾o的,所以揀左成年,都係得兩間o岩 (就係 "幾乎買得成的村屋 (1) 和 (2)") 點知 ... 兩間都係唔到價,實在好慘 ... 卒之o係無意之下,地產哥哥介紹左個重建盤畀我地,即是原居民諗住重建間屋,自己住返地下,攞 2、3 樓出來賣咁o羅 ~ 因為間屋係拆過再起番,所以我地可以參與間屋o既設計同埋建造過程 ... 對於城市人來講,起樓真係一件幾新奇o既事o黎架!所以我諗住寫番低個過程,等第日笨 B 可以睇番自己屋企點o黎架o羅 ~ 係咪好攪笑 ~ 嘻嘻

    回覆刪除
  3. 尼間村屋真係靚到人見人愛... 可惜我同我另一半都在市區工作,住村屋的打算, 都係等我倆老左先講..................

    回覆刪除
  4. wow, lovely house, I don't mind, seems better than the apartment in the city bor...

    回覆刪除
  5. Can you tell me your favourite house (1) suggested price?? In addition, do you know why house roof have 裂縫? Do your house also have this problem? Do house roof must have 瓦頂 prevent裂縫?Thanks for your help!!!

    回覆刪除
  6. 得仲好努力搵緊 ! 妳就好啦 - 上岸啦 !
    上之唔該晒妳呀 ! 但係我都係唔好意思打電話去 - 所以個吸塵機等 LAW 番 去 比 DOG ONE LIFE 睇下佢點跟 我老公仲我抵死 , 一早話左唔 WORK 喎 HEHEHE ~

    回覆刪除
  7. 呢間係咪喺大埔?? 如果係, 我應該都睇過.... 同印象中係好鬼貴....

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: