岳父與女婿的手工麵 (附 video)

陳師傅話要將整麵呢門家傳手藝，傳畀佢o既入室弟子 --- 笨 B 爸爸，等佢個女我永遠都有靚麵食喎 ~ 啊呵呵呵

 

Step 1：製作麵糰

因為呢個 step 最考功夫，所以係示範班，冇得實習住，哈哈哈！

 

Step 2：擀麵

好似好好玩咁呀！

 

 

Step 3：切麵

陳師傅話笨 B 爸爸切得太粗啦

Step 4：煮麵

 

Step 5：食麵！

好煙靱好彈牙，唔錯唔錯 ~

客飯廳風格 - 泰式籐器 look

笨 B 爸爸同我一向都好鍾情深色o既木器 & 藤器，因為感覺沉實簡樸，令人好舒服 ~ 當然，同我地鍾情泰國都有關係

！所以，今次 honeymoon 去泰國，其中一個重點行程係蒲翟度翟，睇下有冇正野 (話時話，有冇 blog 友曾經o係泰國買傢俬運返香港啊？可唔可以 share 下呢 ~~~ thxthx

)

我地都睇左灣仔的傢俬店，其中一間 (在皇后大道東 72-76 號，清雅閣藤傢俬公司 2528-6903) o的款式和手工都唔錯，佢話o的貨o係馬來西亞造的，如果訂造要三個星期，如果我地o係泰國睇唔o岩，都應該會o係呢間訂造架咯 ~

【上圖】呢款滕梳化個樣幾 modern，手工都好好，o的藤料處理過，摸落手感好好 ~ 如果訂造三座位 $5,380

【上圖】其實我都好鍾意呢款 L-shape，但似乎好大張咁！

【上圖】呢張放o係偏廳都唔錯，但唔會一下子買埋，遲下先

【上圖】呢張餐椅內藏軟墊，坐落好舒服。細細張唔阻定，我諗住訂 6 張 for 餐檯 ($490@)

【上圖】定係 4 張細o既，加兩張有扶手架呢？

【上圖】點解笨 B 爸爸又咁「動感」架呢

  因為佢幫我引開個售貨員，等我偷影丫嘛

  笨 B 爸爸鍾意呢張餐檯喎！o的檯腳係用粗滕皮紮成，都幾靚o既 ~ 不過我又係o個句，我覺得玻璃面唔襯我間屋o既大自然 feel 喎 ~ 要諗諗先 $3,300

【上圖】笨 B 爸爸話佢鍾意呢個茶几喎 $890~ 但我唔鍾意

  我話，梳化又藤、餐椅又藤，咁餐檯 & 茶几應該用木啦！咁配搭先 balanced 丫嘛 ~ 同埋我唔鍾意玻璃面 ~ 我覺得正方型矮身大茶几應該襯o的喎 ~

失去了，才知如此重要！

 

台灣屏東地震，震到連海底光纖都斷埋，攪到 Internet 都 breakdown 左幾日，對於日常工作生活甚為依靠 Internet 的我「頓失所依」，幾慘呀！

 

 

呢件事件，亦令我反思日常生活中，有好多方面我地已經被「寵壞」了，一旦失去，立即徬徨無助 ..... 就好似乾淨清潔o既自來水，我地一擰開水喉就有，又點會想像到無水用o既日子呢！前幾個星期，因為緊急事故，屋企大廈在無預警之下就閂掉了水制，o個晚o係冇得沖涼、冇得刷牙、冇得洗臉、連熱水煲都冇乜水飲o既情況之下捱左一晚，真係比死更難受呀！

【上圖】成晚都係咁 ... 間中出現第三幅圖的最大流量

【上圖】冬天凍冰冰，唔沖涼都勉強可以忍受，但唔刷牙就  係咁咦都要，真係滴滴皆辛苦，滴左成個鐘都係得咁多，滴出o黎o既水仲有陣味，好難頂

 

後記：

現今生活實在太方便，大小事項都配套充足、照顧周到，甚至令一眾凡人如我，開始遺忘以前各種不便，唔識得珍惜而家所有，間中唔覺意仲出現「take for granted」兼且「人心不足」的現象，成日畀笨 B 爸爸打 PP

 

 

冇計啦，呢個現象，咪就係 Maslow's Hierrachy of Needs 囉 ~ satisfy 左一o的需要後，梗係會得寸進尺、得一想二架啦 ..... 咁先有努力向上o既動力架嘛 ..... 呵呵呵呵呵 

 

不過真係要學下生活簡單o的，唔好樣樣野都靠現代科技，否則有乜事時，真係適應唔到，死得

型格潔具 from 深圳

花左幾個星期o係香港睇潔具，發覺得係好難搵到o的 within budget 而個樣又 stylish 少少o既款式 ~

 比較睇得上眼的，淨係個馬桶已經 >$3,000，爆晒成個 toilet 可用的 budget 啦！

 

小魚兒介紹話佢套 American Standard 在百安居買平一半，咁我地呢個聖誕假期就上去睇下喇！果然非常多款，價錢亦好抵 (尤其是國內牌子) 但最大的問題是，國內牌子大多依照國內規格，是「地去式」的 (即是喉管在地板) 而香港是「牆去式」的*，送畀你都冇用，所以揀選的時候要小心呢！ 但計我話，國內的設計，比好多外國牌子都要更型更靚呢！

* 如你見到標籤註明「牆去式 180mm」，就是香港的「高咀」；「牆去式 100mm」則是香港的「低咀」

 

卒之在百安居附近的另一個家居城找到合心水又合 budget 的馬桶和洗手盆，一口氣就訂了兩套，連埋運費都係 ~ $2,000 而已，o係香港連個馬桶都買唔到哩 ~ 勁抵呀！

 

【上圖】呢款係少數有提供高咀款式的國內設計，幾型仔！  (價錢 ~ RMB 800)

【上圖】一口氣揀了兩款洗手盆，一個放左二樓，一個放左三樓 ~ (價錢 ~ RMB 300)

【上圖】非常鍾意o個款太空艙型馬桶啊 ~~~ 可惜只得「地去式」設計

行到腳軟 - 深圳百安居 mega store

之前都有聽過唔少朋友上去深圳買傢俬，但從來都唔知o係邊度，又因為我個人偏見，覺得大陸o的野唔好，所以一直都唔肯北上睇傢俬 ~

 

笨 B 爸爸拿我沒法，唯有「以身探路」，親自北上發掘傢俬店，覺得睇得過先帶我過去 ~   果然，畀佢問來問去之下，問到深圳寶安區原來有傢俬店 ... oh no ... 係傢俬「城」的集中地！ 

 

每一間 mega store 都有幾萬尺，貨品由最 raw 的建築材料到大型傢俬、廚具潔具、各式電器到裝飾擺設都一應俱全，我第一次入去，個表情只得一個 --->  ...   ...  ...

 

由於大部分建材已在香港選好，所以我地集中係睇後期o既 fitting，例如潔具、傢俬、燈飾等。價錢真係冇得揮，加埋運費都平過香港一大截 ~ 今次就帶大家睇下其中一間最大間o既

百安居啦！   (今次只係集中偷影左我地最感興趣的戶外傢俬部分 ，如果大家想睇多o的，可以去佢地網頁參觀)

【上圖】我地天台唔打算整玻璃屋，諗住買個咁o既帳篷玩下 ~ 都幾大個架！(3米闊 x 3米長 x 2米高) 只係 $1,398！ 

【上圖】設計好骨子，四隻角有鍛鐵框架好實淨，四邊仲有埋蚊網添！

【上圖】最 good o既地方係頭頂把大遮有透氣洞，比較通爽，o係裏面 BB 蕉都冇問題！

【上圖】我地打算買張木檯 & 幾張木椅放o係帳篷裏面，既可以休憩又可以 BB 蕉  ~ 呢款木檯 $1,199，木椅大約 $500 一張，實木架，好靚

【上圖】呢款原木製成的檯椅好有原始風味 $1,998  如果有花園，放番張都幾好 ~

【上圖】笨 B 爸爸好鍾意o的搖椅，佢話第時可以同我一邊搖一邊曬月光喎

【上圖】我冇狗仔，不過覺得呢間狗屋好得意 (後面仲做埋百頁窗通風，好骨子)

【上圖】百安居有超多款式的浴室潔具，o的款式都好靚，不過我冇影到   呢個洗手盆連櫃仔個樣都好 modern，好似千零蚊而已 ~ 平過香港一半